طريقة عمل الكنافة بالمانجو
نجيب نصف كيلو كناف ونحطه فالفريزر ونطلعه بعد م يتجمد ونفركه كويس او ممكن نضربه فالكبة وبعدين نحط الكنافة ف صنية
ونسيح حتة زبدة ونرشها علي الكنافة ويكون الفرن سخن ونحط الكنافة فالفرن وكل شوية نقلب فيها بالمعلقة ع طول نفضل نقلب فيها كل شوة لغاية م تتحمص معانا وتدينا اللون الذهبي ده. ونسيبها شوية لما تبرد لغاية م نعمل الحاجة ال هنشرب بيها الكنافة
٧ معالق سكر مطحون + ٧ معالق لبن بودر + كوبية مانجة قطع وشوية لبن ساقع صغيرين ونضربهم كل مع بعض فالخلاط كويس جدا وبعدين نرش شوية منه مش كل علي الكنافة ونشربها بيه كويس بس ف نفس الوقت مش عايزين الكنافة تتعجن من الخليط يعني نحط كمية مناسبة نشرب بيها الكنافة وفنفس الوقت متماسكة
وبعدين نعمل طبقة الكريم شانتيه علي جنب ونحط معاه شوية من الخليط ال شربنا بيه الكنافة ونحط كمية مناسبة من عصير المانجة الساقع المتلج علي حسب الكمية المتبعة علي الكريم شانتيه بدل اللبن هنحط عصير مانجة علشان كل حاجة تبقي مانجة ف مانجة ونضربهم كويس لغاية م يديني قوام الكريم شانتيه كويس
وبعدين ف طبق تالت نكون مقطعين المانجة مكعبات
نيجي بقا فالطبقات نعملها ازاي
ف قالب بيركس او اي حاجة هتحطي فيها
هنحط اول طبقة الكنافة. بعدين طبقة الكريم شانتيه وبعدين مكعبات المانجة
وهكذا طبقة كنافة بعدين طبقة كريم شانتيه وبعدين مكعبات المانجة
ونيجي ع آخر طبقة نحط جيلي بالمانجة علي المانجة علشان تكون بتلمع
فكوباية علي جنب نحط كيس الجيلي علي نصف كوباية مياه وندوبه وبعدين نحط الجيلي علي المانجة ف آخر طبقة ونحطهم فالتلاجة ثلاث ساعات مثلا وبعدين نطلعها ونقطعها
وبالهنا والشفا
تعليقات
إرسال تعليق