السيويسرول
٤ بيضات + نصف كوباية سكر + فانيليا ونضربهم بالمضرب الكهربائي كويس جدا
وبعدين نضيف علي الخليط ده ٢ معلقة كبيرة من الزيت ونضربهم تاني كويس
وبعدين ف طبق علي جنب نحط كوباية الا ربع دقيق منخول كويس اكتر من مرة ونضيف عليه نصف معلقة صغيرة بيكنج بودر ورشة ملح ونخلطهم مع بعض
وبعدين نضيفهم علي خليط البيض ونضربهم كلهم مع بعض بالمضرب الكهربائي
وف صنينة قالب ال هي مستطيلة دي. وندهنها زيت وحبة دقيق او نحط ورق زبدة
وبعدين نضيف الخليط بتاعنا فالصينية. ويكون الفرن سخن من قبل. وبعدين نحط الصينية فالفرن لمدة عشر دقايق ونختبرها بالخلة. هيكون ارتفاع الكيك بتاع ٣ سم مثلا يعني الكيك مش هيكون مرتفع
وبعد م نطلع الصينية نسيبها تبرد سيكا يعني تكون دافية كدا مش سخنة خالص ولا باردة ونطلعها من الصينية ونحطها علي ورق زبدة ولو مش متوفر نحطها ع فوطة نضيفة صغيرة ونلف الكيك رول جواة وهي دافية كدا علشان تتعود علي اللف ونحطف فالتلاجة شوية لغاية م نعمل الحشو
الحشو كريم شانتيه وقطع من الفرولة او المانجو زي م تحبو
ونطلع السيويسرول من التلاجة نفرده نفرد عليه الكريم شانيته وقطع الفاكهة سواء كانت مانجو او فرولة ونلفه تاني ونزينه من برة بكريم شانتيه ونوع الفاكهه المحبب لينا ونسيبها شوية فالتلاجة لغاية م السيويسرول يشرب من الكريم شانتيه ويتماسك وبعدين نطلعه ونقطعه
وبالهنا ةالشفا
تعليقات
إرسال تعليق